Tliet Ċrieket u Rakkonti Oħra

Bħala soċju tas-Soċjetà tal-Mużew kif ukoll bħala għalliem, Joseph Falzon hu osservatur soċjali; jaqa’ f’dik il-kategorija ta’ kittieba li jafu jimirħu fis-soċjetà tal-lum bla eda daqq ta’ trombi, jaf jara d-dawl fejn id-dawl qiegħed jitbaxxa; jaf jara l-weġgħa fejn il-weġgħa qed tikber, jaf jara s-sinjali ta’ kollass soċjali meta l-forzi tal-moderniżmu, tax-xjenza u tat-teknoloġija taħt l-umbrella tal-progress inevitabbli fis-soċjetà, jgħakksu dawk l-elementi li l-bniedem kien tgħallem iħaddan bħala linji gwida morali.

Falzon jara fl-istess waqt kif l-istess bniedem donnu issa abbanduna l-valuri, it-twemmin, l-ordni pubblika u dak kollu li dari kien iressqu lejn it-tfittxija aħħarija ta’ għajxien fis-sliem – ukoll jekk aktarx lanqas il-bniedem innifsu ma jkun konxju ta’ din it-tfittxija matul il-vjaġġ tal-għajxien tiegħu.

Il-kittieb jagħmel dan b’rakkonti sempliċi u mexxejja li jinżlu għasel mal-qarrej.