It-Tfajla tal-Ġgantija

Hjiel mill-Istorja ta’ Malta

It-tenpju tal-Ġgantija ta’ Għawdex huwa wieħed mit-tlieta u għxrin fdal megalitiku li għandna fil-gżejjer tagħna. Hu meqjus bħala l-eqdem kostruzzjoni tal-ġebel fid-dinja.

Hu magħmul minn żewġ tempji, it-tnejn b’ħames daħliet nofs tond qishom arzella ta’ knisja moderna. L-ikbar minn dawn it-tempji, dak li jħares lejn it-tramuntana, kien inbena l-ewwel wieħed madwar 3500 sena qabel Kristu. L-ieħor li qiegħed mal-ġenb tiegħu, inbena xi 500 sena wara.

Xi arkeoloġi jxebbhu l-għamla tat-tempji mal-mara l-ħoxna li nstabet fit-tempji ta’ Ħal Tarxien, oħrajn ixebbhuhom ma’ werqa tas-silla bi tlett itruf nofs tond. Imma, mhix ħlief stħajjila għax l-għamla tat-tempji żviluppat bil-mod taż-żmien.

Leġġendi Maltin