Kif Issir Supereroj

F’daqqa waħda Lisa ndunat li wieħed mill-kotba ta’ fuq l-ixkaffa kien qisu ħiereġ id-dawl minnu. “Manwal għas-Supereroj”, kellu miktub fuq l-ispina. Il-ktieb kien donnu qed ikellimha u jitlobha bil-ħniena biex taqbdu f’idejha u tibda tqalleb il-paġni … Lisa ma kinitx kuntenta fl-iskola l-ġdida. Kienet qed tiġi bbulijata minn grupp ta’ subien, u kuljum kien ikollha taħrab lejn il-librerija biex tevitahom. Jum wieħed sabet ktieb li kien jispjega fid-dettall kif takkwista l-abbiltajiet — 101 b’kollox — biex issir supereroj. Tgħid veru jista’ jkun?