Il-Ġurament tal-Ħatra

L-affarijiet sejrin tajjeb għal Ġovanni — miżżewweġ b'żewġt itfal, u issa l-karriera tiegħu ta' avukat wasslitu biex inħatar maġistrat. Hemm jibda l-gwaj. Is-sieħeb ta' bintu Francesca jinqabad bid-drogi u jittella' l-Qorti, u lill-Maġistrat issirlu pressjoni familjari intensa biex il-konnessjoni ma' bintu tinżamm mistura u sabiex il-kawża tinqata' favorevolment. Intant, Ġovanni jirċievi ittra mill-passat — ittra li l-kontenut tagħha tibdillu ħajtu, iktar u iktar meta jiltaqa' mat-tfajla l-ġdida ta' ibnu Matthew. Fost intriċċi bejn Malta, Ruma u l-Polonja, it-trufijiet kollha tal-kwistjonijiet li qed itaqqlu lill-Maġistrat isibu dimensjoni ġdida. X'se jkun il-futur tal-Maġistrat?