SONYA

Wara li nħarqulu l-imħażen tiegħu, Ġorġ jagħmel ftehim ma’ Victor li jżewġu lil bintu Sonya jekk jeħilsu mid-dejn li kien ħammarlu wiċċu ma’ kulħadd. Wara l-mewt ta’ missierha, Sonya tiddeċiedi li tgħid lil Victor li hija qatt ma kienet se tkun tiegħu. Kien għalhekk li Victor jibqa’ jsegwi l-passi ta’ Sonya biex jagħmlilha ħajjitha infern. X’jagħmel? Għal liema mezzi jirrikorri biex jasal għall-iskopijiet ta’ moħħu? L-imħabba li nibtet bejn Philip u Sonya xejn ma niżlet tajjeb mal-ġenituri tiegħu li jagħmlu minn kollox biex iwaqqfu din ir-relazzjoni… U Victor u l-klikka tiegħu jagħtuhom daqqa t’id billi jdeffsu denbhom huma wkoll.

Xi jkollha tagħmel Sonya biex tirbaħ mill-ġdid il-fiduċja tal-ġenituri ta’ Philip? Xi jġiegħel lil Philip jitlaq lejn il-Libya wara li anke hu jistqarrilha l-imħabba tiegħu? Kellu jkun inċident tat-traffiku sfortunat li jagħti l-ewwel xaqq ta’ dawl fil-ħajja tal-imsejkna Sonya…Għax kif jgħid il-Malti, kull deni ħudu b’ġid!