Sigriet

Kif wasal id-dar Nigel laqgħu skiet perfett. Kullimkien kien mitfi. Kienu saru s-sebgħa u nofs ta’ filgħaxija u Rhoda kienet suppost li ilha kważi sagħtejn li waslet lura, imma ma kinitx hemm.

Beda jikkonfondi u deffes idu fil-but biex iċemplilha u beda miexi ‘l barra ħalli jara l-karozza tagħha kinitx f’postha. Imma hekk kif wasal ħdejn is-salott ra lil xi ħadd imkebbeb fir-rokna tas-sufan.