La Bidu La Tmiem 1599

Mejju 1599 – riesaq il-Ġubilew  ta’ seklu ġdid li se jkun dominat mill-imperi kbar li tnedew fl-aħħar mitt sena,  bi Spanja l-aqwa impru fost kollha…

Il-Kavallier Bernal del Rio jitlaq għal btala fil-wied tal-Miskat, fuq stedina ta’ ħabibu, in-negozjant Ser Jehud. Del Rio għadu kemm wasal lura minn vjaġġ f’Madrid, Ruma u Palermo, fejn wettaq ħidma għall-Ospidaljeri mal-Viċi Re ta’ Sqallija. Fil-Wied tal-Miskat, jiġi wiċċ imb wiċċ ma’ dinja differenti għalkollox minn dik li mdorri biha fil-gżira ta’ Malta. Jiltaqa’ mar-Raħeb Don Frans.

Kemm idum fil-Miskat, del Rio jkollu jiġi wkoll wiċċ imb wiċċ ma’ għażliet kbar li jrid jagħmel malajr għax riesqa lejn tmiemha t-tmexxija tal-Gran Mastru Martin Garces.

F’firxa ta’ tifkiriet u ġrajjiet li jeħduma mill-Miskat sa Nankin, mill-Borgo sa Palermo, mill-Belt il-Ġdida sa Vera Cruz u l-Alġieri, jgħixu ħajjithom u jmutu u jgħidu tagħhom fost oħrajn Bram, iż-żagħżugħ żorr tal-Miskat – Kalftu u Tumas il-makakk, qaddejja ta’ del Rio – il-Kaptan Luis u Dolores – Madonna Katerina u Don Marco – Samwel ta’ Kumi u martu Roż’ – Injazju ta’ Lojola – in-Nutar Belfiore – l-eremita tal-Gobi, ix-Xiħ Nett – id-dimonju Barak, Artan u Lidja – il-kalzrat Giordano – il-Kavallier de Paule…

Meta tqum tempesta qawwija li tħalli ħerba kbira warajha, il-Kavallier del Rio jkollu jaqta’ ħesrem il-btala tiegħu.