Delitti F’Malta 1800-2021 Paperback

Aktar minn mitejn u għoxrin sena ta’ omiċidji (Aġġornat sal-31 ta’ Awwissu 2021)

Bejn l-1800 u l-2021 f’Malta twettqu madwar 570 omiċidju b’medja ta’ ftit inqas minn żewġ omiċidji f ’sena fis-seklu dsatax, u b’żieda ta’ kważi mija fil-mija fis-seklu ta’ wara. Barra minn dan, matul l-aħħar tletin sena tas-seklu għoxrin kien hemm żieda kbira mis-snin ta’ qabel.

Minkejja dan, Malta hija klassifikata bħala pajjiż li għandu numru baxx ħafna ta’ omiċidji, b’mod partikolari dawk b’motiv ta’ serq u sesswalità. Madankollu, f ’dawn l-aħħar snin, kien hemm żieda flomiċidji mwettqa mill-barranin.

Ta’ interess li jingħad li f ’Malta, bħal kull pajjiż ieħor, l-omiċidju twettaq minn kull strat tas-soċjetà: irġiel, nisa, sinjuri, fqar, żgħażagħ, anzjani, u saħansitra tfal.