Joseph 10 Snin Mexxej

Għaxar snin ilu kien il-bniedem improbabbli li ftit emmnu li jista’ jagħmel differenza. Għaxar snin ilu kien il-bniedem li ftit kienu jafu mill-qrib. Għaxar snin ilu kien il-bniedem li l-biċċa l-kbira ħasbu li ma setax irebbaħ ‘il-partit. Għaxar snin ilu beda jinbidel kollox.
Għaxar snin wara qed jgħix kulħadd it-terrimot li kien ażżarda jwiegħed. Għaxar snin wara qed igawdi kulħadd mill-ġid u l-prosperità li ħadd ma basar possibli. Għaxar snin wara qed jara kulħadd li l-Partit Laburista hu b’saħħtu aktar minn qatt qabel. Għaxar snin wara hu kollox mibdul.
Dan il-ktieb huwa xhieda ta’ dawn l-aħħar għaxar snin u tal-bniedem li għamel dan kollu possibli. Mhuwiex biss ktieb tal-okkażjoni. Huwa ktieb b’intervisti esklussivi, diretti u mhux imbagħbsa ma’ dal-bniedem u ma’ martu. Huwa ktieb b’analiżi ta’ professjonisti, esperti u kritiċi. Huwa ktieb li jħares lura biex iħares ‘il quddiem… ‘il quddiem lejn żmien isbaħ għal pajjiżna.