Ġisku

L-ewwel darba li Ġisku daħal fil-bitħa tar-razzett ħassu mistħi u kien mimli biża’. Ma kienx jaf x’se jagħmel u kella tkun Bronżi li għenitu jsib saqajh hemm ġew. Fiha sab it-tieni omm u l-ewwel għalliema tiegħu. U hi ħallietu jikber billi mxiet miegħu pass pass fil-ħajja ġdida fir-razzett.

X’kienu se joffrulu l-ħbieb il-ġodda?. Ix-xewqa tiegħu kienet li jaċċettawh kif inhu, imma mhux kulħadd kien lest biex jagħmel dan. Madanakollu, Ġisku xorta waħda baqa’ jħares lejn sħabu kif ukoll il-ħajja tiegħu bi tbissima. saħansitra meta kollox kien kontra.

Iktar ma beda jikber, iktar beda jinduna li l-bitħa bdiet tiċkien. U xtaq li jkun jaf iktar x’toffri d-dinja lil hinn mill-bitħa.Imma tgħid kellu jagħmel hekk waħdu, jew jafda fi Brożi? U għaliex il-familja ta’ l-ikbar ħabib tiegħu Ġużeppi kienu jagħtuha daqsekk importanza l-festa ta’ l-Imnarja? U min kien Nenu? Għaliex kien dejjem fommu sieket?

Bil-mod il-mod il-ħajja bdiet tgħin lil Ġisku jifhem dawn il-mistoqsijiet u jirbah id-diffikultajiet li kellu quddiemu. U flimkien ma’ Ġużeppi għadda min esperjenzi li qatt ma stenna, imma li għenuh jikber u jsir aktar matur.