Tqasqis - Poeziji u Tqasqis ghal tfal ta' kull eta
Paperback | Maltese
By (author): Trevor Zahra
Ktieb ġdid ta’ poeżiji imma assolutament differenti miktub u mfassal minn Trevor Żahra.
Il-poeżiji huma immirati għat-tfal(10+) imma żgur li l-qarrejja ‘mhux daqstant tfal’ se jitpaxxew bil-kitbiet tiegħu!
Imma għaliex different minn kull ktieb ieħor ta’ poeżiji?
Il-poeżiji huma miktuba bl-umoriżmu uniku ta’ Trevor Żahra
Il-poeżiji huma maqsuma f’sezzjonijiet differenti, u waħda minnhom tittratta b’mod uniku u umoristiku l-grammatika, u huwa mod interessanti u oriġinali kif il-grammatika Maltija ssir aċċessibbli u divertenti
Il-ktieb huwa illustrat minn Żahra stess, b’sett ta’ tqasqis u tqattigħ li trid tarahom biex temmen kemm huma uniċi u effettivi!
Fl-ewwel taqsima tiltaqgħu ma’ Matt, tfajjel ta’ disa’ snin, li jirrakkonta l-praspar tal-familja tiegħu …ta’ ommu, missieru, ħutu u ta’ Giotto, il-qattus.
Fit-tieni taqsima hemm poeżiji dwar il-grammatika Maltija; grammatika mimlija umoriżmu, botti u ċajt.
Fit-tielet taqsima għandkom ftit poeżiji qosra li jmissu d-dinja tal-fantasija.
U għal min isib xi kliem kemxejn tqil, hemm ukoll ir-raba’ taqsima fejn għandkom ftit tagħrif grammatikali. Iżda attenti … għax ma nafux kemm dan it-tagħrif jista’ verament jiswielkom ta’ għajnuna.
L-isem TQASQIS jirreferi għall-istampi ta’ dan il-ktieb, li Trevor Żahra ħadimhom permezz ta’ tqasqis u tqattigħ ta’ karti. Imma barra minn hekk, il-ktieb huwa mimli tqasqis fuq kollox u fuq kulħadd.
See more