Fid-Dell ta’ Dnub

Sa minn ċkunitha, wara l-mewt ta’ ommha u missierha, Hyacinth dejjem għexet man-nanniet tagħha Sir Arthur u Lady Vaughan f’ħajja komda u mill-aktar lussuża. Ma kien jonqosha xejn… ħlief… il-libertà li tgawdi n-natura, tgawdi ż-żgħożija, u tiltaqa’ ma’ nies tamparha.

Trabbiet fil-kwiet u l-monotonija tal-palazz sakemm f’ħajjitha jitfaċċa Claude Lennox, żagħżugħ ferrieħi mimli poeżija. Saħħarha bi kliemu u f’tiftixa għal-libertà ċċedi għall-proposta li taħrab miegħu biex jiżżewġu bil-moħbi.

Fis-satra tal-lejl, qrib l-istazzjon tal-ferrovija, jiltaqgħu ma’ mara msawta minn żewġha qiegħda tmut. Waqt li qed jgħinuha Hyacinth tintebaħ li l-ħarba mid-dar mhijiex għajr dnub u tiddeċiedi li terġa’ lura għand nannietha.

Tgħid jirnexxilha ssalva minn destin iebes u inċert? Jew dan huwa biss id-dell ta’ dnub li se jibqa’ jiġri warajha tul il-ġrajjiet ta’ żgħożitha?